بخشاپور (ن پ ا) بخشاپور لڳ مڇي جي فارم مان پيرسن جو لاش هٿ ڪيو ويو، ڳوٺاڻن مڇي جي تلاءَ جي ڪپر تي لاش ڏسي پوليس کي اطلاع ڏنو، جنهن بعد بخشاپور پوليس پهچي پيرسن جو لاش تحويل ۾ ورتو، 70 ورهين جي پيرسن وٽان مليل شناختي ڪارڊ ۾ سندس نالو عبدالواحد ۽ ڳوٺ صوڀو خان کوسو لکيل هو، پوليس پيرسن جو لاش ٿاڻي تي آندو، پوليس ٻڌايو ته جاچ ۾ معلوم ٿيو آهي ته پيرسن عبدالواحد چاچڙ کي پٽن گهران ڪڍي ڇڏيو هو، جنهن جو لاش مڇي جي تلاءَ جي ڪپر تان مليو، بعد ۾ وارثن جي اچڻ تي پيرسن جو لاش ضروري ڪارروائي بعد وارثن حوالي ڪيو ويو.
