برسبين (اسپورٽس ڊيسڪ) اڳوڻي ڪپتان بابر اعظم آسٽريلوي ڪرڪيٽر عثمان خواجه کي پنهنجي شرٽ ڏني. بابر اعظم عثمان خواجا کي سندس فائونڊيشن لاءِ ٽيسٽ جرسي عطيو ڪيو، ان موقعي تي عثمان خواجا چيو ته هو فائونڊيشن لاءِ عطيو گڏ ڪري رهيو آهي.آسٽريلوي ڪرڪيٽر چيو ته بابر اعظم پاڪستان جو بهترين ڪرڪيٽر آهي. ٻئي طرف بابر اعظم جو چوڻ هو ته مان عثمان ڀاءَ سان رابطي ۾ آهيان، ميچن دوران ڳالهائيندا رهندا آهيون، مون ساڻس واعدو ڪيو هو ته جيڪڏهن ڪجهه سپورٽ ڪري سگهان ٿو ته ضرور ڪندس.بابر چيو ته اهو منهنجي لاءِ اعزاز آهي ته مون سندس فائونڊيشن لاءِ ڪجهه ڪيو آهي. اڳوڻي ڪپتان جو چوڻ هو ته جيڪڏهن منهنجي طرفان ٿوري به مدد ٿي ته اها منهنجي لاءِ اعزاز جي ڳالهه آهي، عثمان خواجا لاءِ نيڪ تمنائون آهن.
