پشاور (م ڊ ) اڳوڻو سينيٽر ۽ عوامي نيشنل پارٽي جو اڳواڻ الياس احمد بلور لاڏاڻو ڪري ويو. اڳوڻو سينيٽر الياس احمد بلور ڪيئي مهينن کان پشاور جي خانگي اسپتال ۾ علاج هيٺ هو . مرحوم الياس احمد بلور جي جنازي نماز اڄ منجهند 2 وڳي وزير باغ پشاور ۾ ادا ڪئي ويندي. مرحوم الياس بلور، اي اين پي اڳواڻ غلام احمد بلور ۽ شهيد بشير احمد بلور جو ڀاءُ هو. اڳوڻي سينيٽر الياس احمد بلور عملي سياست جي شروعات نيشنل پارٽي جي ميمبرشپ کان ڪئي هئي. الياس احمد بلور قومي اسيمبليءَ جو ميمبر ۽ سينيٽر به رهي چڪو آهي، جڏهن ته سرحد چيمبر آف ڪامرس جو صدر ۽ مختلف چيمبرز جي اعليٰ چونڊيل عهدن تي به رهيو. صدر آصف علي زرداري، وزيراعظم شهباز شريف ۽ ٻين اڳوڻي سينيٽر الياس احمد بلور جي لاڏاڻي تي تعزيت جو اظهار ڪيو
