اڪري چودڳي (ن پ ا) ٽائيم نيوز ۽ پنهنجي اخبار جي سڏ تي انتهاپسنديءَ کان آجي سنڌ جي عنوان هيٺ اڪري چودڳي ڀرسان مڊل اسڪول غلام قادر چنو ۾ شاندار پروگرام منقعد ڪيو ويو، جنهن ۾ ٻارن سنڌي ثقافت جي اهڃاڻن شادي تقريب، گهوٽ ڪنوار، لوڪ گيت لاڏا ۽ قومي گيت پيش ڪيا ۽ رقص ڪيو، جڏهن ته سنڌ جي سورمي مارئي متعلق ٽيبلوز ۽ ٿر جي ڪوئل مائي ڀاڳي جي ڪلام تي شاگردياڻين ڪلاڪاري ڪري پروگرام کي چارچنڊ لڳائي ڇڏيا، مقررن خطاب ڪندي چيو ته سنڌ، امن ۽ محبت جي سونهري تاريخ رکندڙ ڌرتي آهي، بنا ڪنهن رنگ نسل ۽ فرق جي سنڌ صدين کان انسانيت پاليندڙ دنيا جي واحد ڌرتي آهي، سنڌ واسي هر قسم جي انتهاپسندي کان لاتعلقي ڪندي امن ۽ محبت جو پيغام ڏين ٿا.
