رياض(اسپورٽس نيوز) فٽبال جي دنيا جي بي تاج بادشاهه ڪرسٽيانو رونالڊو پنهنجي رٽائرمينٽ جي حوالي سان اشارو ڏئي ڇڏيو. پرتگالي فٽبال اسٽار تازي انٽرويو ۾ چيو ته مون کي ناهي خبر تڪڙو رٽائر ٿيندس يا نه، مون کي لڳي ٿو ته اڃا فٽبال جي ميدان ۾ گهڻو ڪجهه ڪرڻو آهي پر امڪاني طور ايندڙ 2 کان 3 سالن ۾ پنهنجي رٽائرمينٽ جو اعلان ڪندس. هن واضح ڪيو ته مان منهنجي رٽائرمينٽ تائين النصر سان جڙيل رهندس، ان ڪلب ۾ مان ڏاڍو خوش آهيان، هن ملڪ ۾ سٺو محسوس ڪري رهيو آهيان، سعودي عرب ۾ کيڏي خوش آهيان ۽ ان کي رٽائرمينٽ تائين جاري رکڻ چاهيان ٿو. ياد رهي ته رونالڊو هن وقت سعودي پرو ليگ ۾ النصر ٽيم جي نمائندگي ڪري رهيو آهي.
