ڪراچي (اسٽاف رپورٽر) اڳوڻي صوبائي وزير سعيد غني چيو آهي ته ووٽ کي عزت ڏيو جو نعرو هڻندڙ پارٽي گمراهه ٿي رهي آهي، ليول پلينگ فيلڊ تحريڪ انصاف، ايم ڪيو ايم سميت سمورين سياسي پارٽين لاءِ هئڻ گهرجي
ڪالهه هتي سٽي ڪورٽ ۾ ميڊيا سان ڳالهائيندي هن چيو ته پيپلز پارٽي سنڌ خاص طور تي ڪراچي جي عوام ۾ مقبول آهي، وڪيل برادري به پ پ جو حصو بڻجي رهي آهي
خميس ڏينهن 3 سئو کان وڌيڪ وڪيل پيپلز لائرز فورم جو حصو بڻيا آھن، هن چيو ته پيپلز پارٽي پهريان کان وڌيڪ سيٽون حاصل ڪندي، وفاقي حڪومت پيپلز پارٽي جي هوندي ۽ بلاول ڀٽو زرداري وزيراعظم بڻجندو
هن چيو ته ايم ڪيو ايم ڪراچي جي سياست ۾ مئل گهوڙو آهي، سندن حالت پينو فقير واري ٿي وئي آهي
