ڪراچي(اسٽاف رپورٽر) آءِ بي اي سکر جي ٽيسٽنگ سروس 8 ڊسمبر تي رٿيل ايم ڊي ڪيٽ ٽيسٽ لاءِ سينٽرن جو اعلان ڪري ڇڏيو، ڪراچي ۾ اين اِي ڊي انجنيئرنگ يونيورسٽي ۽ ڪراچي يونيورسٽي ۾ ايم ڊي ڪيٽ ٽيسٽ لاءِ ڌار ڌار سينٽر قائم ڪيا ويا، جڏهن ته حيدرآباد ۾ پبلڪ اسڪول ۽ ڄامشوري ۾ مهراڻ انجنيئرنگ يونيورسٽي ۾ سينٽر قائم ڪيا ويا، شهيد بينظير آباد ۾ قائد عوام انجنيئرنگ يونيورسٽي، لاڙڪاڻي ۾ پوليس ٽريننگ اسڪول ۽ سکر ۾ آءِ بي اي پبلڪ اسڪول ۾ ايم ڊي ڪيٽ ٽيسٽ لاءِ سينٽر قائم ڪيا ويا، ميرپورخاص، عمرڪوٽ ۽ ٿرپارڪر ضلعن تي ٻڌل مير پورخاص ڊويزن ۾ ڪو سينٽر قائم نه ٿيڻ ڪري ٽنهي ضلعن جي هزارين شاگردن کي حيدرآباد ۽ ڄامشوري جو پنڌ ڪرڻ پوندو
