واشنگٽن(م ڊ) اڳوڻي آمريڪي صدر ڊونلڊ ٽرمپ خبردار ڪيو آهي ته ايران اسرائيل تي هزارين ميزائلن سان هڪ ئي وقت حملو ڪندو، ايلون مسڪ کي ڏنل انٽرويو ۾ آمريڪي صدارتي چونڊن ۾ ريپبلڪن اميدوار ڊونلڊ ٽرمپ وڌيڪ چيو ته اسرائيل هر وقت ڊپ ۾ آهي ته اڄ يا سڀاڻي رات ايران شايد هزارين ميزائلن سان حملو ڪري، جيڪڏهن بي حساب ميزائل هنيا ويا ته آئرن ڊوم نظام کي غرق ڪري سگهجي ٿو اسرائيل پنهنجو بچاءَ نه ڪري سگهندو. هن خبردار ڪندي چيو ته وچ اوڀر دنيا کي ٽئين عالمي جنگ طرف ڌڪي رهي آهي. غيرملڪي ميڊيا جي رپورٽ موجب سوشل ميڊيا ويب سائيٽ ايڪس جي پليٽ فارم تي ايلون مسڪ طرفان ڊونلڊ ٽرمپ جي انٽرويو کي 45 منٽن دوران 13 لک ماڻهن ٻڌي رهيا هئا.
