اوٻاوڙو (ن پ ا) اوٻاوڙو ٽائون ڪاميٽي انتظاميا جي نااهلي سبب نالين جو گندو پاڻي روڊن تي بيهجي ويو آهي، قبرستان واري روڊ تي گٽرن جو گندو پاڻي بيهڻ سبب شهري جنازو به گندي پاڻي مان گذارڻ تي مجبور آهن، شهرين صالح محمد، رجب گرگيچ ۽ ٻين جو چوڻ آهي ته قبرستان طرف ويندڙ مين روڊ تي گٽرن جو گندو پاڻي اٿلڻ روز جو معمول بڻيو آهي، ٽائون انتظاميا ان طرف ڪو به ڌيان ڏيڻ لاءِ تيار ناهي، هنن مطالبو ڪيو ته نوٽيس وٺي روڊ تي بيٺل گندو پاڻي نيڪال ڪرايو وڃي.
