لنڊن(اسپورٽس نيوز) انگلينڊ ڪرڪيٽ ٽيم پاڪستان خلاف ٽيسٽ سيريز لاءِ 17 رڪني اسڪواڊ جو اعلان ڪري ڇڏيو. پاڪستان جي دوري ۾ 3 ٽيسٽ ميچز جي سيريز ۾ بين اسٽوڪس انگلش ٽيم جي قيادت ڪندو، بين اسٽوڪس جي انجريءَ کانپوءِ ٽيم ۾ واپسي ٿي آهي. ان کانسواءِ انگلش اسڪواڊ ۾ ريحان احمد، گس ايٽڪنسن، شعيب بشير، هيري بروڪ، برائيڊن ڪارس، جارڊن ڪاڪس، ذيڪ ڪرالي، بين ڊڪٽ، جوش هل، جيڪ ليچ، اولي پوپ، ميٿيو پاٽس، جو روٽ، جيمي سمٿ، اولي اسٽون ۽ ڪرس ووڪس شامل آهن.
