دبئي (اسپورٽس نيوز) ويسٽ انڊيز جي ڪوچ ڊيرن سيمي تي امپائر تي تنقيد ڪرڻ تي ڏنڊ هنيو ويو آهي. انٽرنيشنل ڪرڪيٽ ڪائونسل (آءِ سي سي) ويسٽ انڊيز جي ڪوچ ڊيرن سيمي تي آءِ سي سي جي ضابطه اخلاق جي ڀڃڪڙي ڪرڻ تي ڏنڊ هنيو آهي. آءِ سي سي ڊيرن سيمي تي ميچ فيس جو 15 سيڪڙو جرمانو لڳايو آهي ۽ هڪ ڊي ميرٽ پوائنٽ پڻ ڏنو آهي. ان حوالي سان، اهو ٻڌايو ويو آهي ته ڊيرن سيمي آسٽريليا خلاف پهرين ٽيسٽ ميچ جي ٻئي ڏينهن ضابطه اخلاق جي ليول ون جي ڀڃڪڙي ڪئي، هن رانديگرن ۽ راندين جي عملي لاءِ ضابطه اخلاق جي آرٽيڪل 7.2 جي ڀڃڪڙي ڪئي. آءِ سي سي موجب، ڊيرن سيمي هڪ پريس ڪانفرنس ۾ امپائر جي فيصلن تي تنقيد ڪئي،
ڊيرن سيمي پنهنجي غلطي تسليم ڪئي آهي.
