لاڙڪاڻو(بيورو رپورٽ) لاڙڪاڻي شهر جي ڪرمان باغ غريب مقام واري علائقي جي رهواسين شهر ۾ وڌندڙ بدامني خلاف ايس ايس پي چوڪ تي احتجاجي مظاهرو ڪري ڌرڻو هنيو، ستين ڪلاس ۾ پڙهندڙ شاگرد علي زين مڪول پنهنجي والد عبدالستار مڪول، پاڙيسري ۽ مائٽن فيضياب علي منگي، يونس علي سانڊاڻو، سچل شيخ، احمد جتوئي، عادل حسين جتوئي ۽ ٻين سان گڏجي دانهيو ته گذريل رات مان سول اسپتال روڊ تان پنهنجي نظر محلا ۾ رهندڙ بيمار پڦي جي لاءِ ميڊيڪل اسٽور تان دوائون وٺي پنهنجي دوست گل حسن لغاري سان گڏجي نظر محلا وڃي رهيو هيس ته ٽراما سينٽر ڀرسان موڙ وٽ ون ٽو فاءِ موٽرسائيڪل سوار ٻن هٿياربندن ڦورن اسان کي يرغمال بڻائي مون کان موٽرسائيڪل، هڪ موبائيل سيٽ ۽ دوست کان موبائيل سيٽ ڦر ڪري فرار ٿي ويا، ٿاڻي تي اطلاع باوجود پوليس ڪجھه ناهي ڪيو، پوليس جي لاپرواهي سبب بدامني آهي، جوابدارن خلاف ڪارروائي ڪري علائقي ۾ امن امان قائم ڪرايو وڃي.
