فيصل آباد(اسپورٽس نيوز) پاڪستاني ڪرڪيٽر افتخار احمد ڪرڪيٽ جو ماحول خراب ڪرڻ ۽ قومي ٽيم ۾ غلط رانديگرن جي سليڪشن جو ذميوار ميڊيا کي قرار ڏئي ڇڏيو. مداحن ۾ “چاچا” جي نالي سان مشهور افتخار احمد جارحاڻي مزاج جو بيٽر سمجهيو ويندو آهي، پر هن ڀيري ڪرڪيٽ جي ميدان کان ٻاهر هڪ پريس ڪانفرنس دوران صحافين تي ڪاوڙيل نظر آيو. افتخار احمد کان پريس ڪانفرنس دوران سوال ڪيو ويو ته چئمپينز ڪپ ۾ اوهان ڪنهن کي نئين دريافت سمجهيو ٿا؟ صحافي جي سوال تي افختار احمد ڪاوڙتي پيو ۽ چيو ته “هڪ اننگ تي اوهان مٿي کڻي ويندا آهيو ۽ جڏهن اهو ناڪام ٿيندو آهي ته اوهان ئي چوندا آهيو ته ڪٿان آڻيندا آهيو، وري اوهان ئي هنن جي پٺيان ڳالهيون ڪندا آهيون، اوهان جي اسان ٻڌندا آهيون. افتخار احمد خدا جو واسطو ڏيندي صحافين کي چيو ته پهريان ڪنهن کي ٽنهي فارميٽ ۾ ٽاپ ڪرڻ ڏنو وڃي پوءِ ان کي پروموٽ ڪيو وڃي.
