ڪراچي( رپورٽر ) صوبائي وزير عذرا پيچوهو چيو ته ته مرسون مرسون سنڌ جو پاڻي نه ڏيسون، سنڌ اسيمبليءَ ۾ خطاب ڪندي عذرا پيچوهو چيو ته منهنجو نعرو آهي مرسون مرسون سنڌ جو پاڻي نه ڏينداسون ، اسان ڪو واڌو ڪئنال سنڌو تي ڪڍڻ قبول نه ڪنداسين ، هن يچو ته پاڻي وڌي نه پيو بلڪه گهٽ ٿي رهيو آهي ، سندس چوڻ هو ته منگلا ۽ تربيلا جي حالت سامهون آهي ٻڌايو پيو وڃي ته هي سال ڏڪار جو آهي ، سمجهه ۾ نٿو اچي پنجاب وفاق جي يونٽن ۾ ڏار ڇو ٿو وجهڻ چاهي ، گڏ جيئڻ ۽ مرڻ چاهيون ٿا سنڌ به وفاق جو حصو آهي هن چيو ته پاڪستان آهي ته اسين آهيون وفاق قائم رکڻو آهي ته سنڌ کي ديوار سان نه لڳايو وڃي ، صوبائي وزير چيو ته ايئن نه ٿئي جو سنڌ پاڪستان جي مخالفت ۾ وڃي
