ايڊيليڊ (اسپورٽس نيوز) پاڪستان آسٽريليا کي ٻي ون ڊي ميچ ۾ شڪست ڏئي ٽن ميچن جي سيريز هڪ، هڪ تان برابر ڪري ڇڏي.پاڪستان ستن ورهين کانپوءِ ڪنهن ون ڊي ميچ ۾ آسٽريليا کي آسٽريليا ۾ شڪست ڏني جنهن ۾ سڀ کان اهم ڪردار حارث رئوف ادا ڪيو.تاريخي ڪاميابي کانپوءِ ميزبان براڊڪاسٽرز سان ڳالهائيندي ڪندي قومي ڪپتان محمد رضوان حارث رئوف سميت ٽيم جي مجموعي ڪارڪردگي کي ساراهيو.محمد رضوان چيو ته آسٽريليا خلاف ڪاميابي اسان رانديگرن کي اعتماد مليو آهي، اعتماد کي برقرار رکڻ چاهيون ٿا.هن چيو ته ٽيم مئنيجيمينٽ جيڪا حڪمت عملي تيار ڪئي، بالرن ان تي عمل ڪيو ۽ نتيجو فتح جي صورت ۾ نڪتو.محمد رضوان حارث رئوف جي بالنگ تي تبصرو ڪندي چيو ته ملڪ کان ٻاهر هر ڪو سندس بالنگ ڏسڻ چاهيندو آهي.
